Ош шаардык ички иштер башкармалыгы боюнча милициянын кайгуул кызматынын башчысы Айбек Жумагулов кызматынан кетип, ИИМдин Жол кыймылынын коопсуздугунун камсыздоо боюнча башкармалыгынын мониторинг бөлүмүнүн башчысы болуп дайындалган. Бул маалыматты ЖКККББнын басма сөз кызматы «Турмуш» басылмасына билдирген.
Ош ШИИБ боюнча милициянын кайгуул кызматынын башчысы болуп Нурбек Салымбаев дайындалган. Ал бүгүн, 10-август күнү жамаатка тааныштырылганы белгилүү болду.
Буга чейин, 28-июлда Ош шаардык кайгуул кызматынын кызматкерлери аталган кызматтын имаратынын алдына чогулуп, бир катар нааразылыктарын билдиришкен. Андан соң ИИМден атайын комиссия түзүлгөнү маалым болгон.