Орусиянын президентти Владимир Путин менен Түндүк Кореянын лидери Ким Чен Ын бүгүн, 13-сентябрь күнү Орусиянын Амур облусундагы «Восточный» космодромунда жолугушту, деп жазат «ТАСС» басылмасы.
Ким Чен Ындын брондолгон поезди орнотуу жана сыноо рельсине келип токтогон. Аны Орусиянын жана Түндүк Кореянын өкмөттөр аралык комиссиясынын башчысы Алексей Козлов, Тышкы иштер министрлигинин мамлекеттик протокол департаментинин директору Игорь Богдашев тосуп алган. Андан соң алар унаа менен орус президенти менен жолугушуу үчүн жүрүп кетишкен.
Түндүк Кореянын лидери орус президентин чакырып, жылуу кабыл алаганы үчүн ыраазычылыгын билдирген.
«Бизди чакырып, тыгыз графигиңизге карабай жылуу тосуп алганыңыз үчүн рахмат»,-деген Ким Чен Ын.
В. Путин Түндүк Кореянын лидери менен кайрадан жолугуп жатканына кубанычта экенин айткан.
Андан кийин Путин жана Ким Чен Ын жана эки өлкөнүн делегацияларынын сүйлөшүүлөрү башталган.
Президенттин басма сөз катчысы Дмитрий Песковдун мурда берген маалыматына ылайык, жолугушууда эки тараптуу кызматташтыктын маселелери, анын ичинде соода-экономикалык байланыштар жана маданий алмашуулар талкууланат, ошондой эле аймактагы кырдаал жана жалпы эле эл аралык иштер боюнча пикир алмашуу болот.