Электр энергиясыз бул жашоону элестетүүгө мүмкүн эмес. Турмуш-тиричилигибиздин бардыгын электр энергиясы менен бүткөрөбүз. Мына ушул электр энергиясын элге жеткирүүдө кандай кызматтарды аткарып жаткандыгы жөнүндө Ноокат райондук электр тармактары ишканасынан маалымат алдык. Ноокат райондук электр тармактары ишканасы 1959-жылы түзүлгөн. Ушул учурда 157 адам эмгектенет. Тейлөө аймагы 65 км. түзөт. Жалпысынан 21 айылды жана башка керектөөчүлөрдү тейлешет. Ноокат РЭТи боюнча 53748 электр керектөөчүлөрү бар. Ноокат РЭТин тейлеген 9 даана техникасы калктын кызматында. Ошондой эле 11 көмөкчү чордон райондун аймагындагы “Көк-Жар”, “Маданият” Салиева, “Алмалык”, “Апшыр-Ата”, “Көк-Бел”. Исанов, Улуу-Тоо айылдарына коюлган.
Калк тарабынан пайдаланылган электр энергиясынын төлөмү жана дебитордук карыздар боюнча 2023-жылдын 8 айында 183 млн. 324,9 миң кВт саат электр энергиясын алуу планы болсо, иш жүзүндө 203 млн. 114,2 миң кВт саат алынган, башкача айтканда берилген лимиттен 19 млн. 789,3 миң кВт саат көп алынган. Өткөн жылдын ушул мезгилине салыштырмалуу 27 млн. 497,3 миң кВт саат көп алынган. Жалпы жоготуу 2022- жылдын 8 айында 21 млн. 238,5 миң кВт саат болсо, 2023- жылдын 8 айында 26 млн. 082,6 миң КВт саатты түзүп, 4844,1 миң КВт саатка көбөйдү.
Техникалык жоготуу, 2022-жылдын 8 айында 28 млн. 478,1 миң КВт саат болсо, 2023- жылдын 8 айында 22 млн 104,4 миң кВт саатка азайды. Жалпы төлөмдөр боюнча сумма 2022-жылдын 8 айында 173 млн, 6042 миң сом болсо, 2023-жылдын 8 айында 214 млн.
582,3 миң сомду түзүп, өткөн жылга салыштырмалуу 40 млн. 978,1 миң сомго көп жыйналды. Дебитордук карыздар боюнча өткөн жылдын сегиз айында 29 млн. 366,0 миң сомду түзсө, 2023- жылдын 8 айында 30 млн.092,3 миң сомду түзүп, 776,3 сомго көбөйдү.
Райондун калкын электр энергиясы менен камсыздоодо Ноокат РЭТ ишканасынын жетекчиси алгылыктуу иштерди алып барууда. Ишкананын жетекчиси Мурзамудин уулу Уланбектин жетекчилиги астында кыш айларына карата электр жабдууларынын ремонту, электр чубалгыларынын тартылышы боюнча бир топ иштер аткарылды. Кызматкерлер атайын кийилүүчү кийимдер менен камсыздалган. Айлык акылары өз убагында берилип турат. Кезек кезеги менен эмгек өргүүсүнө чыгып турушат. Кыштын ызгаар суугуна карабастан, өздөрүнүн милдеттерин так аткарышып эмгектенишүүдө. Ал эми электр пайдалануучулар болсо, электр энергиясына болгон төлөмдөрүн өз учурунда төлөп турушат. Ноокат РЭТ тарабынан 2023-2024-жылдын күз-кыш мезгилине карата даярдыктар көрүлдү. Райондук электр тармактары ишканасы тарабынан капиталдык жана катардагы оңдоо иштери сапаттуу аткарылды.
Расмий оңдоо иштери тууралуу айтсак, жогорку ВЛ-10 кВ чыңалуудагы аба чубалгыларын оңдоо- түзөө боюнча план 60 км. болсо, аткарылганы 60 км. Көрсөткүчкө ээ болуп, 100ды түзү. ТП (КТП) лар боюнча да дасмий оңдоолорду өткөрүп келүүдө пландалган 68 даана КТП, аткарылганы 68даана КТП оңдоодон өттү, б.а. 100%га толугу менен аткарылды. Ал эми катардагы оңдоолор жөнүндө айтсак, ВЛ-10 кВ жогорку аба чыңалуудагы аба чубалгылары 645,835 км. пландаштырылган болсо, аткарылганы 645,835 км. 100 %га аткарылды. Катардагы оңдоолор жөнүндө айта кетсек, 0,4 кВ чыңалуудагы аба чубалгысы 619,7 км. пландаштырылган болсо, аткарылганы,619,7 км. болду жана 100 %ды түздү.
Катардагы оңдоолор боюнча 795 даана КТП )ТП) каралса, аткарылганыплан боюнча 795 даана ТП (КТП) каралып, ашыгы менен аткарылды. Ошондой эле төмөнкү аба чубалгысы жана жогорку чыңалуудагы аба чубалгысы реконструкция болду. 5 даана кошумча КТП райондун аймагындагы Кыргыз-Ата, Гулистан, Он-Эки-Бел, Т.Зулпуев, Н.Исанов атындагы айыл өкмөттөрүнө коюлду. Ал эми 7 даана ашыкча жүк менен иштеп жаткан көмөкчү чордондорго Жаңы-Ноокат, “Көк-Жар”, Кыргыз-Ата, Кара-Таш, айыл өкмөттөрү кирет. Т.Зулпуев жана Мирмахмудов атындагы айыл өкмөттөрүндөгү 2 даана ТМ алмаштырылды. Ош–Баткен–Раззаков эл аралык маанидеги жолду оңдоодо жана кеңейтүүдө жумушчулардын жана техникалардын жардамы менен 126 даана мамыча жылдырылып, 102 даана мамыча алмаштырылды.
CАSА-1000 долбоорунун 2 этабы боюнча бир топ жумуштар аткарылды. Т.Кулатов атындагы айыл өкмөтүнүн аймагындагы Кожо-Арык айылына 1 даана көмөкчү чордон жана 23 даана темир бетон, ушул эле айыл өкмөтүнүн Баглан айылына, Он-Эки-Бел айыл өкмөтүнүн Нарай айылына, “Көк-Жар, Мирмахмудов атындагы айыл өкмөттөрүнө темир бетон мамычалары, аба чубалгылары бөлүнүп берилди.
Ноокат РЭТ тарабынан өзгөчө кырдаалдын алдын алуу максатында электр жабдыктарын коопсуз жерге жылдаруу жана авариялык абалда турган мамычаларды пландын негизинде алмаштыруу жумуштары жүргүзүлүп жатат.
Бурма Ысакова