Бүгүн, 27-декабрь күнү Ош шаардык кеңешинин 13-сессиясында күн тартибине коюлган үчүнчү- Ош шаарынын административдик-аймактык реформасы жөнүндө маселе каралды.
Долбоорго ылайык, Ош шаарына Кара-Суу районунун жалпы 14 миң 26 гектар аймак кошулуп, калктын саны 451,900 болору айтылды.
Ош шаарынын азыркы аймагы 18 миң 300 гектарды түзсө, калктын саны 361 миңди түзсө, аймактык реформадан кийин 90 900 адам кошулуп, 451 900 адамды түзүп калат.
Бул токтом долбоору толугу менен добушка коюлуп, депутаттар тарабынан колдоо тапты.
Мындан ары бул токтом долбоору Министрлер Кабинетинде каралып, Жогорку Кеңештен өтүп, президент кол койсо гана ишке ашат.
Ош шаардык кеңешинин депутаттары Кара-Суу районунун аймагынан 14 миң гектар жерди алууга макулдук берди.
Ошондой эле, Ош шаары Кара-Суу районуна 222-223-224-кварталдарды өткөрүп берет.