Ош облустук ички иштер башкармалыгына Кара-Суу районунун 1964-жылы туулган Т.М. аттуу тургуну арыз менен кайрылган. Анда 2023-жылдын 23-декабрынан тартып С аттуу Кара-Суу районунун сот аткаруучусу, Кыргыз Республикасынын чек арасынан өтүү үчүн чектөөнү алып берем деп опузалап, пара талап кылып жаткандыгын билдирген.
Ош ОИИБдин басма сөз кызматы кабрлагандай, бул факты боюнча топтолгон материалдын негизинде Кыргыз республикасынын Кылмыш-жаза кодексинин 343-беренеси (Опузалап пара алуу) менен кылмыш иши козголуп, тергөө-ыкчам аракеттери жүргүзүлө баштаган.
«2024-жылдын 11-январь күнү жүргүзүлгөн ыкчам-издөө иш-чараларынын натыйжасында, Кыргыз Республикасынын Жогорку Сотуна караштуу сот департаментинин, Ош облусунун Кара-Суу райондук САКБнүн сот аткаруучусу, юстициянын 3-класстагы кеңешчиси 1980-жылы туулган С.С. аттуу жаран 20 000( жыйырма миң) сом атайын белги коюлган акчаны алган жеринен кылмышка шектүү катары кармалган»,-деп айтылат маалыматта.
Азыркы учурда Ош облустук ички иштер башкармалыгы тарабынан тергөө амалдары жүргүзүлүүдө.