Ош шаардык мэриясынын муниципалдык менчик башкармалыгынын башчысы болуп Алтынбек Пирматов дайындалган болсо, бул башкармалыктын мурдагы башчысы башка кызматка барды. Бул тууралуу Ош мэриясынын басма сөз кызматы билдирди.
Маалыматка караганда Ош шаарынын мэриясынын шаар куруу жана муниципалдык менчик бөлүмүнүн башчысы болуп Имарова Канышай Канботоевна дайындалды.
Ал эми Ош шаарынын мэриясынын муниципалдык менчик башкармалыгынын башчысы болуп Пирматов Алтынбек Абдимиталипович дайындалды.
«Тиешелүү буйрукка Ош шаарынын мэри Бакытбек Жетигенов кол койду»,- деп айтылат маалыматта.
Буга чейин 4 эвакуатордун тендердик ишине байланыштуу Ош шаардык прокуратурасы кылмыш ишин козгогон. Ош ШИИБ Ош шаардык муниципалдык менчик башкармалыгындагы үч кызмат адамдары боюнча тергөө жүргүзүп, ишти сотко өткөргөн. Кылмыш иши козголгондордун арасында Канышай Имарова жана анын орун басары да бар болчу.
Ош шаардык соту аталган ишти карап, Канышай Имарованы 1 млн сом төлөөгө милдеттендирген.