Ош шаарындагы Акмат Сүйүнбаев стадионунун оңдоп-түзөө иштеринин экинчи этабы жүрүүдө. Бул тууралуу Ош шаардык капиталдык курулуш башкармалыгынын башчысы Шумкарбек Пайзиев билдирди.
Анын айтымында, учурда стадионун чыгыш, түндүк-түштүк трибуналарын чатырлоо иштери кызуу жүрүүдө.
«Азыркы күндө түндүк трибунанын үстүнө чатырлоо үчүн темирлер коюлуп жатат. Мындай иштер башка трибуналарда да жүрүүдө. Долбоордун үчүнчү этабы боюнча стадионундун футбол таласындагы чөптү алмаштырып, гибриддик системаны ортонуу жана чуркоочу аянтты резина менен каптоо боулп саналат. Бул иштердин баары күз айларында жыйынтыкталат.»,-деди Ш. Пайзиев.
Аталган иштерге республикалык бюджеттен жалпы 84 млн сом акча каралаган. Ал эми стадиондун кире бериш жериндеги той салонунун имарты бузулууда.
«Анын жанындагы «Винт» бильярд клубунун ээси менен Ош шаардык муниципалдык менчик башкармалыгы соттошуп жатат. «Топспорт» деген дүкөндүн ээсине башка жерден жер берилбей болду. Бильярд клубдун жанындагы жер үчүн да башка жактан жер берилмей болгон. Той салондун имараты ээлери тарабынан бузулуп жатат»,- деди Ош шаардык мунипалдык менчик башкармалыгынын башчысынын орун басары Дастан Мурзалиев.