28-май күнү Улуттук коопсуздук мамлекеттик комитетинин Чек ара кызматынын түзүлгөндүгүнүн 25 жылдык мааракесине арналган майрамдык салтанат 2024 аскер бөлүгүндө болуп өттү. Бул тууралуу Президенттин Ош облусундагы өкүлчүлүгүнүн басма сөз кызматы билдирди.
Алгач Кыргыз Республикасынын Президентинин Ош облусундагы ыйгарым укуктуу өкүлүнүн орун басары Илияз Ташбаев, иш-чарага чакырылгын укук коргоо органдарынын жетекчилери жана ардагерлер Чек ара кызматкерлеринин күжүрмөн даярдыктары, аскер техникалары менен таанышып, 2022-жылдын 14-17-сентябрында Баткен облусунда болгон куралдуу кагылышууда курман болгон аскер кызматкерлерин эскерип куран окулду.
Кыргыз Республикасынын Президентинин Ош облусундагы ыйгарым укуктуу өкүлүнүн орун басары Илияз Ташбаев Кыргыз Республикасынын Улуттук коопсуздук мамлекеттик комитетинин Чек ара кызматынын түзүлгөндүгүнүн 25 жылдык мааракеси менен Чек ара кызматынын Ош облусу боюнча башкармалыгынын кызматкерлерин куттуктады.
Карегимде мекен чеги деп Ата-Журт алдындагы өзүнүн ыйык милдетин аткарган баатыр уулдарды тарбиялап өстүргөн ата-энелерине терең ыраазычылык билдирүү менен, Кыргыз Республикасынын Президентинин Ош облусундагы ыйгарым укуктуу өкүлү Эльчибек Джантаевдин 28-май Кыргыз Республикасынын Улуттук коопсуздук мамлекеттик комитетинин Чек ара кызматынын түзүлгөндүгүнүн 25 жылдыгына карата чыгарган сыйлоо жөнүндөгү буйругунун негизинде, кызмат милдеттерин аткарууга ак ниет мамиле жасап, жогорку ийгиликтерге жетишкен чек ара кызматкерлерине Ардак грамоталарды тапшырды.