Кыргызстандын бокс боюнча улуттук курама командасынын мүчөлөрү Үрүмчү шаарында (Кытай Эл Республикасы) өтүп жаткан эл аралык мелдеште 6 жеңди. Бул тууралуу Маданият министрлигинин басма сөз кызматы билдирди.
Маалыматка караганда, Анвар Хожиев (48 кг) жана Санжар Сейдакматов (57 кг) алтын медаль жеңип, мелдештин жеңүүчүлөрү болду.
Ислам Төрөбаев (57 кг), Мирзахид Имамназаров (63,5 кг), Сагын Сатыбалды уулу (80 кг) жана Бакыт Токтосун уулу (92 кг) коло байгеге татышты.
Ал эми бүгүн, 9-октябрда 67 кг чейинки салмак чен бирдигинде Алмаз Орозбеков алтын байге үчүн күч сынашат.