Сүрөт: «Турмуш» басылмасы
Буга чейин Ош шаарындагы Акматбек Сүйүмбаев стадионунун түштүк, түндүк жана чыгыш трибуналарын чатырлоо иштери башталган, деп жазат «Турмуш» басылмасы.
Трибуналарды чатырлоо иштери ушул жылдын август айында башталган.
Алгач трибуналардын үстүн чатырлоо үчүн 11 миң отургучтун үстүнө темир конструкциялар орнотулган.
Бул жумуштарды аткаруу үчүн тендерден уткан «Универсал Компани ЛТД» ЖЧКсы менен 84 млн 831 миң 457 сомго келишим түзүлгөн.
Аталган ЖЧК курулуш иштерин, 5-октябрь – Ош шаарынын күнүнө карата бүтүрүшү керек болгон.
Мындан сырткары стадиондун футбол талаасы жаңыланып, гибриддик футбол талаасы курулду.
Гибриддик оюн талаасын куруу үчүн шаардык бюджеттен 77 млн 726 миң 187 сом каралган.
Бүгүнкү күндө стадиондун түндүк, түштүк, чыгыш трибуналарынын үстү толук түрдө чатырланды. Гибриддик футбол талаасы курулду.
Ош мэриясы 5-октябрь – Ош шаарынын күнүн жаңыланган стадиондо белгиледи.
Майрамдык салтанаттын жүрүшүндө «Алай» футболдук клубунун оюнчулары да жөө жүрүштөн өттү.
Акматбек Сүйүмбаев стадиону «Алай» футбол клубунун негизги футбол талаасы жана машыгуучу базасы болуп саналат.
Стадиондо реконструкциялык иштер башталгандан кийин клуб үй оюндарын Кызыл-Кыя шаарындагы футбол талаасында өткөрүп келүүдө.