Сүрөт: «Сводка АКИпресс»
Кыйноолордун алдын алуу боюнча улуттук борбордун кызматкерлери 2-октябрда №1 тергөө абагына текшерүү менен барышты. Бул тууралуу «Сводка АКИпресс» басылмасы жазды.
Маалым болгондой, текшерүү мурда түшкөн арыздын негизинде жүргүзүлгөн. Анда тергөө камагында кармалган 2 жаран УКМКнын кызматкерлери тарабынан сабалгандыгын жана психологиялык басымга кабылгандыгын айтышкан.
Алардын айтымында, мындай мамиле күнөөнү моюнга алдыруу үчүн жасалган. Маалыматка ылайык, доогердин кабыл алынган арызы медициналык документтери менен биргеликте Аскер прокуратурасына жиберилген.