Бүгүн, 22-октябрда Судьялар кеңешинин жыйынында Жогорку соттун төрагалык кызматына Медербек Сатыевдин талапкерлиги каралды.
Ведомствонун басма сөз кызматы билдиргендей, Судьялар кеңешинин мүчөлөрү Сатыевдин талапкерлигин бир добуштан колдошту.
«КР Конституциясынын 70-беренесинин 4-бөлүмүнүн 5-пунктуна ылайык, президент Судьялар кеңешинин сунушу боюнча Жогорку Кеңештин магулдугу менен 5 жылдык мөөнөткө Конституциялык соттун жана Жогорку соттун төрагаларын кызмат ордуна дайындайт. Ал эми КР Конституциясынын 80-беренесинин 3-бөлүмүнүн 2-пунктуна ылайык, Конституциялык соттун жана Жогорку соттун төрагасын 5 жылдык мөөнөткө дайындоо үчүн президент тарабынан көрсөтүлгөн талапкерлерге Жгорку Кеңеш депутаттардын жалпы санынын жарымынан кем эмес добуш менен макулдук берет»,- деп айтылат маалыматта.