Бүгүн, 26-сентябрь күнү Ош шаарында шаардагы жеке жана мамлекеттик мекептердин жана бала бакчалардын мугалимдери менен тарбиячыларынын ортосунда «Жылдын мыкты мугалими-2023», «Жылдын мыкты тарбиячысы-2023» сынагынын финалдык этабы болуп өттү. Бул тууралуу сынактын катышуучулары билдирди.
Маалым болгондой, сынактын финалдык этабына 6 мугалим жана 6 тарбиячы өтүп, финалдык этабда катышуучулар өзү тууралуу жана заманбап окуу усулдары тууралуу баяндамаларды жасашкан.
Натыйжада «Жылдын мыкты мугалими-2023» сынагынын жеңүүчүсү деп №37 Г.Айтиев мектебинин мугалими Элнура Алекова табылып, «Дэу Матиз» унаасы тапшырылган. Ал эми «Жылдын мыкты тарбиячысы-2023» сынагын №35 «Асан-Үсөн» балдар бакчасынын тарбиячысы Мээрим Тыныбеков жеңип, «Дэу Матиз» унаасы тапшырылган.
Сынакты Ош шаардык мэриясы жана Ош шаардык билим берүү башкармалыгы уюштурган.
Ош шаарындагы аталган сынак бир нече жылдан бери өткөрүлүп келүүдө.