Фото: REUTERS/Marina Lystseva
«Вагнер» аскердик жеке менчик компаниянын негиздөөчүсү Евгений Пригожиндин учагында каза болгондордун сөөгүнөн кол гранаталардын сыныктары табылган. Бул тууралуу Орусиянын президенти Владимир Путин кечээ, 5-октябрда айтканын «Известия» басылмасы жазды.
«Компаниянын жетекчилигине эмне болду деген суроо берилерин билем. Авиакырсык тууралуу биз билебиз. Жакында эле мага Тергөө комитетинин башчысы билдирди.Авиакырсыктан каза болгондордун денелеринен кол гранаталардын сынактары табылган»,-деген Владимир Путин «Валдай» талкуу клубунун сессиясында журналисттердин суроосуна жооп берип жатып.
Путин белгилегендей, Тергөө комитетинин экспертизасына ылайык, учактын кулашы боюнча эч кандай тышкы таасир жок.
Ошондой эле, орус лидери каза болгондордун канынан алкоголдун же баңгизатынын бар же жоктугу боюнча анализдер жүрбөгөнүн, бирок, ошол эле маалда «Вагнердин» Санкт-Петербургдагы башкы кеңсесинде болгон белгилүү окуялардан кийин, орус атайын кызматы накталай 10 млрд рублду жана 5 кг кокаин тапканын эске салды.
«Менин оюмча мындай экспертиза жүргүзүлүшү керек болчу. Бирок, экспертиза жүргүзүлгөн эмес»,-деп баса белгилеген Путин.
23-августта Тверь облусунда Пригожиндин Embraer ERJ-135BJ Legacy 600 учагы кулап түшкөн. Шереметьеводон Пулкового 17:54тө учуп кеткен учак 26 мүнөттөн кийин радардан жоголгон.
Учакта Евгений Пригожин, Сергей Пропустин, Евгений Макарян, Александр Тотмин, Валерий Чекалов, Дмитрий Уткин, Николай Матусеев, ошондой эле экипаждын үч мүчөсү болгон.