2023-жылдын 9 айы ичинде Ош областынын аймагында жаш өспүрүмдөргө карата жана алар тарабынан жасалган кылмыштар боюнча статистикалык маалымат. Кыргыз Республикасынын Конституциясынын 20-беренесине ылайык, үй-бүлө коомдун пайдубалы болуп саналат. Аталык, энелик, балалык жана үй-бүлөлүк баалуулуктар коом жана мамлекет тарабынан корголот. Балдар олуттуу мааниге ээ жана мамлекет балдардын ар тараптуу руханий, адеп-ахлактык, интеллектуалдык жана физикалык өнүгүүсү, ошондой эле аларды жарандык-мекенчилдикке тарбиялоо үчүн шарттарды түзүүнү камсыз кылат.
2023-жылдын 9 айы ичинде Ош областынын аймагында өспүрүмдөр арасындагы кылмыштуулуктун статистикасын талдоодо балдардын санынын төмөндөшү менен мүнөздөлгөн позитивдүү динамиканы аныктаган, кылмыштарды жасоого шектелгендер, айыпталуучулар жана алардын катышуусу менен жасалган кылмыштар 110 (2022-ж 116) адам.
Райондорго бөлүп караганда төмөндөгүчө:
— Алай району — 3/(15), -12;
— Араван району -18 / (11), +7;
— Кара-Суу району -48 / (42), +6;
— Ноокат району — 22/ (17), +5;
— Кара-Кулжа району — 4 / (11), -7;
— Өзгөн району — 16 / (19), -3;
— Чоң-Алай району — 4 / (1), +3.
Араван-7, Кара-Суу-6, Ноокат-5 жана Чоң-Алай 3 райондорунда жаш өспүрүмдөр тарабынан жасалган кылмыштар былтыркы жылга салыштырмалуу өскөн.
Кылмыш чөйрөсүнө тартылган балдардын басымдуу бөлүгү орто окуу жайлардын окуучулары – алардын саны 25 (24) түзөт. Бул сан колледж же кесиптик-техникалык окуу жайларда окуган студенттердин 14 (11) санынан бир топ ашык. Мындай жагдай укук коргоо органдарынын жана окуу жайлардын жүргүзгөн алдын алуу иштеринин жетишсиздигинен, ата-энелердин көзөмөлү жоктугунан болушу мүмкүн.
Абалды эске алуу менен, ата-энелерди балдарын тарбиялоо жана жүрүм-турумун контролдоого активдүү катышуусу актуалдуу. Андан сырткары, бул көйгөйдү жаратуучу факторлорду тереңирээк талдоо керек. Мисалы социалдык, экономикалык шарттар, интернет жана медианын таасири жана коомдо өзүн алып жүрүүнүн үлгүлөрү. Бул балдар арасындагы кылмыштуулукту жоюнун максаттуу жана эффективдүү стратегияларын иштеп чыгууга мүмкүндүк берет.
Жашы жете электердин арасында көп жасалуучу кылмыштар – мүлккө каршы кылмыштар, алардын ичинен эң кеңири тараганы – уурулук (67), тоноолор (10). Бул жагдай балдардын жашоо шартынын төмөндүгүнөн, социалдык жыргалчылыктын жоктугунан жана балдардын өздүк киреше булактарынын жоктугунан келип чыгууда. Андан сырткары, 1 каракчылык, 4 ден соолукка оор залал келтирүү, 7 ден соолукка анча оор эмес залал келтирүү, 1 ден соолукка жеңил залал келтирүү, 1 сексуалдык мүнөздөгү зомбулук аракеттер аныкталган. Отчеттук мөөнөттө 28 балага карата кылмыш иштери соттук кароого жөнөтүлгөн. 37 балага карата кылмыш иши тараптардын жарашуусуна байланыштуу жана 56 кылмыш иши сот адилеттиги системасынан чыгаруу жолу менен кыскартылган.
Балдарга карата жасалган кылмыштардын динамикасы
Талдоо көрсөткөндөй, коомдун эң чоң көйгөйү – балдарга карата зомбулук. Балдарга каршы кылмыштардын көпчүлүгүн адам өлтүрүү, атайылап ден соолукка оор залал келтирүү түзөт. Бул — коомдо моралдык баалуулуктардын жана укуктук аңсезимдин төмөндүгүнөн, балдарды зомбулуктан коргоо боюнча чаралардын жетишсиздигинен кабар берет. Бирок, 2023-жылдын 9 айынын жыйынтыгы менен статистикалык маалыматтар көбөйүүнүн терс динамикасын көрсөттү.
2023-жылдын отчеттук мөөнөтүндө өспүрүмдөргө каршы жасалган 119 укук бузуу катталган же былтыркыга салыштырмалуу 35 учурга көбүрөөк (2022-ж.-84).
Райондорго бөлүп караганда төмөндөгүчө:
— Алай району — 5/(2), +3;
— Араван району -12 / (8), +4;
— Кара-Суу району — 59 / (32), +27;
— Ноокат району — 20/ (12), +8;
— Кара-Кулжа району — 3 / (9), -6;
— Өзгөн району — 17 / (20), -3;
— Чоң-Алай району — 3 / (1), +2.
Алай-3, Араван — 4, Кара-Суу — 27, Ноокат — 8 жана Чоң-Алай-2, бул райондордо жаш өспүрүмдөргө карата жасалган кылмыштар былтыркы жылга салыштырмалуу өскөн.
Өспүрүмдөргө каршы жасалган сексуал- дык мүнөздөгү кылмыштардын көптүгү коомдук коопсуздуктун актуалдуу көйгөйүнө айланды. Бул тема кеңири талдоону жана мындай кылмыштарды болтурбоо, балдарды коргоого багытталган чараларды көрүүнү талап кылат
Ош облустук прокуратурасы