Бүгүн, 27-декабрь күнү Ош шааардык кеңешинин 13-сессиясында Ош шаарынын борбордук бөлүгүнүн деталдык пландоо долбоорун бекитүү жөнүндө токтом долбоору негиз катары кабыл алынды.Ага 35 депутат макул болду.
Ош шаарынын борбордук бөлүгүнүн деталдык планынын аянты 3557, 24 гектарды түзөт.
«Бир бол » фракциясынан депутат Эсенбек Арзиев каналдардын корук зонасын кичирейтүү боюнча сунуштарды берди.
Ош шаардык прокуратурасынын коррупцияга каршы күрөшүү жана мыйзамдардын аткарылышын көзөмөлдөө бөлүмүнүн башчысы Канат Насипов Ош шаарынын борбордук бөлүгүнүн деталдык планында көрсөтүлгөн гана суу коргоо аймагы менен өзгөртүлбөй калганы мыйзамга туура келерин билдирди.
Эсенбек Арзиев мыйзамда каралган нормаларды эске алуу менен каналдардын коргоо зонасын кичирейтүү боюнча сунушту токтом долбооруна киргизип коюуну сунуштады.
Канат Насипов каналдардын корук зонасын кароо маселеси Шаардык кеңештин ыйгарым укугуна кирбестигин белгиледи.
«Биздин Кыргызстан» фракциясынан депутат Айбек Таалайбек уулу кызыл сызыкка чыгып кеткен объектерди белгилүү бир мөөнөттө кызыл сызыкка киргизүү тууралуу сунушту токтом долбооруна кошууну сунуштады.
Ош шаардык архитектуралык курулушту көзөмөлдөө башкармалыгынын башчысы Руслан Суракматов айрым учурда уруксат алып деле кызыл сызыкка чыгып кеткен объектер бар экенин, эгер уруксаты жок чыгып кеткен объектер болсо сотко кайрылса болорун айтты.
«Бир бол» фракциясынан депутат Максатбек Мамбеткулов мыйзамсыз курулуштарды алдын ала көзөмөлгө алуу керектигин кошумчалады.