Футбол боюнча улуттук курама кечээ, 21-январь күнү түнү Сауд Арабиясына каршы оюн өткөрдү. Натыйжада Сауд Арабиясы 2:0 эсебинде Кыргызстанды утту.
Биринчи бөлүктүн тогузунчу мүнөтүндө борбордук коргоочу Айзар Акматов Сауд Арабиянын футболчусуна каршы орой ойногондуктан оюндун калысы кызыл кагаз көрсөтүп, Акматов оюндан четтеди.
Оюндун 35-мүнөтүндө Сауд Арабиянын оюнчусу М. Канно өзгөчөлөнүп, бул оюндагы алгачкы голду киргизди. Оюндун экинчи бөлүгүнүн 52-мүнөтүндө жарым коргоочу Кими Мерк атаандаш футболчуга карата орой ойногондуктан, бул жолу да оюндун калысы кызыл кагаз көрсөтүп, Мерк оюндан четтетилди. Ошону менен калган мүнөттөрдө Кыргызстан курамасында 9 оюнчу калды.
Оюндун 84-мүнөтүндө Сауд Арабиянын оюнчусу Ф. Аль-Гамдинин тепкен тобу дарбазачы Эржан Токотаевдин колуна тийип, дарбазадан жай алды. Натыйжада Сауд Арабиясы 2:0 эсебинде Кыргызстанды жеңди.
Бул оюндун жыйынтыгы менен «F» тайпасындагы жагдай төмөндөгүдө:
Сауд Арабия эки оюнда тең жеңишке жетип, 6 упай менен биринчи орунга жайгашса, Таиланд курамасы 4 упай менен экинчи, Оман курамасы 1 упай менен үчүнчү, Кыргызстан курамасы о упай менен төртүнчү орунга жайгашты.
Кыргызстандын кийинки оюнун Оманга каршы өткөрөт.