Бүгүн, 20-март күнү Ош шаардык кеңешинин 14-сессиясы өттү. Күн тарибине 11 маселе коюлду.
Жыйынга административдик-аймактык реформанын негизинде кошулган Кызыл-Кыштак жана Төлөйкөн айылдык кеңештеринин депутаттары катышып, жалпы 91 депутат болду.
Күн тарибинде биринчи маселе катары Ош шаарына кошулган аймактардын депутаттарын Ош шаардык кеңеши менен чогуу иштөөгө макулдук берүү тууралуу маселе каралып, жыйынга катышкан бардык депутаттар макулдук берди.
Мындан ары Ош шаарына кошулган аймактардын депутаттары Юстиция министрлигинен кайрадан катоодон өтүп, регламенти иштелип чыгышы керек.
Административдик-аймактык реформадан кийин Оштогу депутаттардын саны 117ге жетти. Алар: Ош шаардык кеңеши -45, Төлөйкөн айылдык кеңеши — 31, Кызыл-Кыштак айылдык кеңеши-31, Нариман айылдык кеңеши- 7, Шарак айылдык кеңеши- 3.