Президент Садыр Жапаров башкы прокурор Курманкул Зулушев менен Жаратылыш ресурстары, экология жана техникалык көзөмөл министрине сөгүш жарыялады. Бул тууралуу Президенттин басма сөз кызматы билдирди.
Президенттин тапшырмасына ылайык, Президенттин администрациясынын кимиссиясы прокуратуранын айрым кызматкерлери тарабынан Жаратылыш ресуртары, экология жана техникалык көзөмөл министрлигине караштуу Лицензиялоо маселеси боюнча комиссиянын ишине кийлигишүү фактыларын карап чыгып, Министрлер кабинетинин төрагасынын орун басары- Улуттук коопсуздук боюнча мамлекеттик комитеттин төрагасы Камчыбек Ташиевдин кызматтык катында белгиленгендей, жүргүзүлгөн иликтөөнүн жыйынтыгы боюнча көрсөтүлгөн фактылар тастыкталганын билдирди.
Буга байланыштуу Садыр Жапаров Курманкул Зулушевге жана Мелис Тургунбаевге өздөрүнүн кол алдындагыларды башкарууда туура эмес көзөмөлгө алгандыгы үчүн сөгүш жарыялады.
Мындан тышкары, Зулушевге орун басары Адил уулу Кубанды ээлеген кызмат ордунан бошотуу, Башкы прокуратуранын Коррупцияга каршы аракеттенүү жана мыйзамдардын аткарылышын көзөмөлдөө башкы башкармалыгынын экология жаатындагы ишкерлердин укуктарын жана мыйзамдардын сакталышын көзөмөлдөө башкармалыгынын жетекчиси А. М. Алимкуловго сөгүш жарыялоо жана ротациялоо жөнүндө сунуш киргизүү тапшырылды.