Кыргызстандык спортчу Илья Тяпкин Париждеги Олимпиада оюндарына катышуучулардын тизмесинен чыгарылды.
12-майда World Athletics эл аралык жеңил атлетика федерациясынын сайтында Францияда өтүп жаткан оюндарда эркектер жана аялдар арасындагы марафондук жарышка катышуучулардын акыркы тизмеси жарыяланган.
Кыргызстандык жөө күлүктөр бул аралыкта олимпиадалык стандартты аткара албай, Universality Place системасы боюнча квота алышкан. Квотаны Сардана Трофимова менен Илья Тяпкин алганын World Athletics сайты жазып чыккан.
Бирок, учурда Тяпкин эркектер арасындагы марафондун катышуучуларынын арасында азыр жок. Катышуучулардын тизмесинде өзгөртүүлөр болуп жатканын КР Жеңил атлетика федерациясы билдирди.
Ошондой эле Париж Олимпиадасынын жеңил атлетика боюнча турнирине катышуучулардын акыркы тизмеси 7-июлда белгилүү болору кабарланды.
Учурда Париждеги оюндарга Кыргызстандын эсебинде 12 лицензия калды.