Иллюстрациялык сүрөт
Өзгөндө каналдан аялдын жансыз денеси табылды. Бул тууралуу жергиликтүү тургундар билдирди.
Алдын ала маалымат боюнча окуя 27-май күнү болуп, белгисиз аялдын денеси Өзгөн каналындагы сууга агып, андагы тосмолорго илинип калганы маалым болгон.
Ош ОИИБдин басма сөз кызматы бул маалыматты тастыктап, төмөнкүлөрдү билдирди.
27-май күнү саат 12:15 чамасында, Өзгөн шаарынын Гагарин көчөсүндө жайгашкан “НУР” үй тиричилик дүкөндүн жанынан өткөн каналдагы суудан болжол менен жашы 55-60 чамасындагы азият түспөлүндөгү аял кишинин жансыз денеси табылган. Аталган маалымат Өзгөн РИИБке катталып, тергөөгө чейинки текшерүү башталган.
«Ыкчам тергөө тобу окуя болгон жерге барган учурда төмөнкүлөр аныкталган: Өзгөн шаарынын Гагарин көчөсүнүн №10 дарегинде жайгашкан “Нур” аталышындагы үй тиричилик дүкөнүнүн алдынан агып өткөн Өзгөн каналында Өзгөн шаарынын Варашилов көчөсүнүн №64-үйүнүн тургуну 1958-жылы туулган М.Б жансыз денеси суу менен агып келип, бир нерсеге илинип тургандыгын ошол жердеги дүкөндө иштеген атуулдар көрүшүп милицияга кабар беришкен. Б.Мирзакбарованын жансыз денесине кароо учурунда, анын бешенесинде 1,3х4 см. өлчөмүндө сыйрылып канталаган жарааты бар экендигин аныкталган»,- деп айтылат маалыматта.
Текшерүүдө маркум Өзгөн райондук ЖДПБнын мейит канасына жеткирилип, анын денесинен алган жараатынын жана өлүмүнүн себебин аныктоо максатында соттук-медициналык экспертиза дайындалып, ага ички изилдөө жүргүзүлгөн
«Маркумдун баласы А.Мамасалиевтин берген көрсөтмөсү боюнча, апасы 1 жылдан бери психикалык жактан катуу жабыркап келгендиктен, аны көп жолу даарылатышып, бирок жардам бербегендигин, ошондуктан алар апасынын баскан-тургандыгын ар дайым көзөмөлдөп жүрүшүп, 26-майдан 27-майына караган түнү саат 01:30 чамасында апасынын өз бөлмөсүндө жаткандыгын, бирок таңкы саат 06:00 чамасында оордунда жок экендигин көрүшүп ииздеп жатышкандыгын билдирген»,- деп айтылат маалыматта.