Ош облусунун Кара-Суу районуна караштуу Ынтымак айыл өкмөтүнүн жер адиси Аваз Коңкошов УКМК тарабынан кармалып, баш коргоо чарасы тандалды.
Маалым болгондой, Коңкошов ушул жылдын июль айынын башында кармалып, баш коргоо чарасы тандалган.
Ош облустук сотунун басма сөз кызматы кабарлагандай, Ош шаардык сотунун 2024-жылдын 3-июлундагы токтомунун негизинде УКМКнын Ош шаары жана Ош облусу боюнча башкы башкармалыгынын тергөөчүсүнүн өтүнүчү канааттандырылган.
“Кыргыз Республикасынын КЖКнын 345-беренесинин 3-бөлүгү (пара берүү) менен шектүү К.А.А. карата бөгөт коюу чарасынын камак түрү 2024-жылдын 3-сентябрына чейин тандалган”,- деп айтылат маалыматта.
19-июль күнү УКМКнын төрагасы Камчыбек Ташиев селдин кесепеттерин жоюу боюнча жыйында Кара-Суу районунун Жаңы-Арык айыл өкмөтүндө 1000 чек 50 миң сомдон 300 миң сомго чейин сатылганын, тиешелүү кызматкерлер жазасын алышы керектигин, акимдин тиешеси болсо ал да камалышы керектигин айткан.