Ош шаарында бир катар жер аянттары, объектер муниципалдык менчикке алынды. Бул тууралуу Ош шаардык муниципалдык менчик башкармалыгынын башчысынын орун басары Дастан Мурзалиевге шилтеме берип «Турмуш» басылмасы жазды.
Анын айтымында, мамлекеттик менчиктеги мүлктөр Ош шаарынын муниципалдык менчигине өткөн.
Ош шаардык мэриясынын муниципалдык менчигине өткөн объект жана жерлер:
- Ош шаарынын Спорт (ул. Спортивная) көчөсүнүн №1 В дарегинде жайгашкан жалпы аянты 8000 чарчы метр жер тилкесиндеги аянты 511,03 чарчы метрди түзгөн тураксыз жай-күрөш залы («Динамонун» оюн ойноочу аянтчалары);
- Ош шаарынын Спорт көчөсүнүн №1 Б дарегинде жайгашкан жалпы аянты 2280 чарчы метр жер тилкесиндеги 729,28 чарчы метрди түзгөн курулушу бүтө элек тураксыз жай-күрөш залын («Динамо» залынын бир бурчу);
- Ош шаарынын Спорт көчөсүнүн №17 дарегиндеги аянты 1468,0 чарчы метр жер тилкесинде жайгашкана 533,10 чарчы метрди түзгөн тураксыз жайын (Ош шаардык билим берүү башкармалыгынын алдындагы мейманкана);
- Ош шаарынын Спорт көчөсүнүн №234 дарегинде жайгашкан аянты 1313 чарчы метр жер тилкесиндеги 1128,97 чарчы метрди түзгөн жалпы тураксыз жайы (EREM);
- Ош шаарынын Ленин көчөсүнүн №222/1 дарегинде жайгашкан жалпы аянты 3626,0 чарчы метрди түзгөн жер тилкеси (Ош айыл чарба техникумунун мурдагы спорт аянтчасы).