Ош шаарында жаңы муниципалдык базардын айланасындагы мурда пайдаланылбай турган үч кошумча жолду ачуу жана жаңы жолдорду салуу иштери жүрүп жатат. Бул тууралуу Ош мэриясынын басма сөз кызматы билдирди.
Маалыматка караганда, иш ыргагынын жүрүшү боюнча жеринде сунуштар, толуктоолор айтылып, жасалып жаткан жолдорду сапаттуу, белгиленген мөөнөтүндө аткаруу тапшырмасы берилди.
«Кошумча жолдорду ачуу менен бирге “Барсбек каган” айланма жолун кеңейтүү боюнча дагы иштер аткарылып жатат. Аталган жол кеңейтилсе, Ош-Араван жолундагы унаа тыгынынын алды алынып, унаа каттамдары бир топ жакшырат»,- деп айтылат маалыматта.