Иллюстративдик сүрөт
Ош облустар аралык балдар клиникалык ооруканасына ок атуучу куралдан жарат алган бала түштү. Бул тууралуу «Турмуш» басылмасы өздүк булактарына таянып жазды.
Алдын ала маалыматка ылайык, окуя бүгүн, 19-октябрда катталган. Анда аталган ооруканага 20:00 чамасында жамбашынан октон жарат алган бала жеткирилген.
Дарыгерлер ага тез арада операцияга жасоо үчүн алып кирип кетишкени айтылууда.
Бул маалыматты Ош облустар аралык бириккен клиникалык ооруканасы ырастап, учурда бейтаптын жарааты жана өздүгү жөнүндө маалыматтар толтурулуп, алгачкы медициналык жардам көрсөтүлүп жатканын билдирди. Бейтап ооруканага 40 мүнөт мурда алып келингени айтышты.
Кийинчерээк Ош ОИИБдин басма сөз кызматы 2024-жылдын 19-октябрь күнү Кара-Суу районунун Датка айыл аймагында талаада 2018-жылы туулган П. С. агасы 2012-жылы туулган М. кокусунан тир мылтык менен ичине атып алганын билдирди.
«Натыйжада Ош облустук балдар ооруканасына кайрылган, дарыгердин айтуусун боюнча баланын ички органдары жабыркаган эмес. Бул факты Кара-Суу райондук ички иштер бөлүмүнө катталып, тергөөгө чейинки текшерүү иштери жүргүзүлүп жатат»,- деп айтылат маалыматта.