Эркин күрөш боюнча дүйнөнүн үч жана Азиянын алты жолку чемпиону Айсулуу Тыныбекова Аялдар күрөшү боюнча федерациянын вице-президенти болуп шайланды. Мындай чечим кечээ, 21-октябрь күнү Күрөш федерациясынынн кезексиз конференциясында кабыл алынды.
Маалыматка караганда, аталган жыйынга федерациянын мүчөлөрү, машыктыруучулар, күрөш боюнча улуттук курамдын калыстары катышты.
Шайлоо боюнча кезексиз конференциянын натыйжасында Айсулуу Тыныбекова Аялдар күрөшү боюнча федерациянын вице-президенти болуп шайланган.
Айсулуу Тыныбекова белгилегендей, ал азыр федерациянын түзүмүндө болуп, кыз-келиндер күрөшүн өнүктүрүүгө көмөктөшөт. Ал кошумчалагандай, белгилүү убакыттан кийин спорттук карьерасын улантат.
Динара Исаева 2014-жылдан бери аялдар күрөшү боюнча вице-президент кызматын аркалап келген.