![УКМК К. Асанбектин кылмыштуу тобунун мүчөсүн кармады УКМК К. Асанбектин кылмыштуу тобунун мүчөсүн кармады](https://oj.kg/wp-content/uploads/2024/04/22c5e23f-0988-4b95-870f-a45920471ace.jpg)
УКМК тарабынан уюшкан кылмыштуу топтордун ишмердүүлүгүнө каршы күрөшүү боюнча жүргүзүлүп жаткан иш-чаралардын жүрүшүндө, 2024-жылдын 26-мартында Ош шаарынын аэропортунда маркум К.Асанбектин уюшкан кылмыштуу тобунун активдүү мүчөсү, “Таранчы” каймана аты менен белгилүү Н.Н.К. кармалды. Бул тууралуу УКМКнын маалымат борбору билдирди.
Маалыматка караганда, аталган уюшкан кылмыштуу топтун мүчөсү физикалык зомбулук көрсөтөм деп коркутуу менен Жалал-Абад облусунун Чаткал районунун аймагындагы тоо-кен фирмаларынын жумушчуларына салык салуу аракетин көргөндүгү аныкталды.
«Учурда Н.Н.К.га карата опузалоо фактысы боюнча тиешелүү ыкчам-тергөө иш-чаралары жүргүзүлүүдө. Кармалган жаран УКМКнын убактылуу кармоочу жайына киргизилди»,-деп айтылат маалыматта.
УКМК аталган Н.Н.К.нын кылмыштуу иш-аракеттеринен жапа чегиши мүмкүн болгон жарандарды УКМК нөөмөт кызматына кайрылуусун өтүнөт.