Үч округ боюнча Жогорку Кеңештин депуттарын мөөнөтүнөн мурда шайлоодо добуш берүүнүн алдын ала жыйынтыктарын чыкты. Бул тууралуу Боршайкомдун сайтына жарыяланды.
Андагы маалыматка ылайык, автоматташтырылган эсептөөчү урналардын 99,5%ынын жыйынтыгы чыкты. 28-апрелдин саат 20:40тагы маалыматына караганда, №2 Баткен округундагы жалпы 112 миң 379 шайлоочунун 28 миң 462си добуш берип, жалпы шайлоочунун 25,33%ын түздү. №7 Ош округундагы 125 миң 386 шайлоочунун 25миң 87си добуш берген. Бул жалпы шайлоочунун 18,41%ын түзөт. №9 Кара-Суу округу боюнча 112 миң 33 шайлоочу катталса, анын 21 миң 23 гана добуш берген. Бул жалпы шайлоочунун 18,77%ына барабар.
№2 Баткен округу боюнча Бактыяр Калпаев алдыда келүүдө.
№7 Ош округу боюнча Бекмурза Эргешов алдыга чыкты.
№9 Кара-Суу округу боюнча Илимбек Кубанычбеков алдыда келе жатат.
АЭУнун маалыматтары алдын ала болуп эсептелет. Бардык шайлоо участкаларында добуштарды милдеттүү түрдө кол менен саноо жүргүзүлөт, анын негизинде шайлоо участкалары боюнча жана жалпысынан округ боюнча добуш берүүнүн жыйынтыктары чыгарылат.