Орусия Федерациясынын президенти Владимир Путин Орусиянын Коргоо министри Сергей Шойгуну кызматтан алды. Бул тууралуу «РИА Новости» жазды.
Кремлдин басма сөз кызматы билдиргендей, Путин коргоо министри кызматына өкмөт башчынын биринчи орун басары Андрей Белоусовду сунуштады.
Ошондой эле, Путин кол койгон жарлыкка ылайык, Шойгу Коопсуздук кеңешинин катчысы болуп дайындалды. Буга чейин аталган кызматты Н. П. Патрушев ээлеп турган.
Шойгу коргоо министри кызматын 2012-жылдан бери аркалап келет.