Иллюстрациялык сүрөт
Тажикстандын абактарында 25 кыргызстандык бар, деп билдирди Юстиция министринин орун басары Орозбек Сыдыков бүгүн, 12-июндагы парламенттин жыйынында.
Депутаттар «Кыргыз Республикасынын айрым мыйзамдык актыларына (Кылмыш-аткаруу кодексине, Кылмыш-жаза кодексине) өзгөртүүлөрдү киргизүү жөнүндө» мыйзам долбоорун экинчи окууда карап жатат.
«Бул мыйзам кабыл алынгандан кийин Жогорку Сот режимдер боюнча чечим чыгаргандан кийин маселе алдыга жылат. Ар бир иш жекече каралат»,- деди О. Сыдыков.
Ошондой эле, Сыдыков депутаттардын суроолорун жооп берип жатып 8 кыргызстандык Түштүк Кореянын абактарында камалып жатканын, дагы бир кыргызстандык убактылуу кармоочу жайда экенин айтты.
Депутаттар аталган мыйзам долбоорун экинчи жана үчүнчү окууда жактырышты.