Иллюстрациялык сүрөт
Бишкек шаарындагы «Ак-Кула» ат майданында чагылган түшүп 9-класстын окуучусу каза болду. Бул тууралуу «Сводка АКИпресс» өздүк булактарына шилтеме берүү менен жазды.
Аталган басылманын маалыматы боюнча, бала Бишкек шаарындагы мектептердин биринин 9-классынын окуучусу болгон.
14 жаштагы бала чагылган болгон убакта ат майдандагы ачык жерде аттын үстүндө болгон. Бул учурда ага чагылган түшкөн.
Бала ушул жылдын октябрь айында 15 жашка толмок. Ал үй-бүлөсүнүн эң улуусу болгон.
Алдын ала маалыматка ылайык, 12-июнда бала атасына аргымактарды машыктырууга жардам берип жаткан.