Шумкарбек Пайзиев
«Кызматтык абалынан кыянаттык менен пайдаланган» деген жүйөө менен Ош шаардык мэрисынын эки кызматкери тергөө иштери аяктаганга чейин убактылуу кызматынан четтетилди. Бул тууралуу маалыматты Ош шаардык мэриясынын басма сөз катчысы тастыктады.
Буга чейин Ош шаардык капиталдык курулуш башкармалыгынын жетекчиси Шумкарбек Пайзиев менен Жолдор башкармалыгынын башчысынын орун басары Улан Олжобаев «Кызмат абалынан кыянаттык менен пайдалануу» беренеси менен айыпталып, 6-июнда Ош шаардык сотунун чечими менен 31-июлга чейин үй камагына чыгышкан.