Албаниянын жарым коргоочусу Недим Байрами футбол боюнча Европа чемпионатынын тарыхындагы эң бат голду киргизди. Мындай жыйынтык 15-июндан 16 июнга өткөн түнү Албания курамасы менен Италия курамасы Европа чемпионатынын тайпалык этабынын биринчи оюнунун биринчи таймынын башталышында болгон.
Оюн башталары менен Албания курамасынын коргоочулары топту оң капталга узаткан. Топ оң капталдагы оюнчуга барбай, сызыктан сырткаркы алкакка чыгып кеткен.
Оюндан сырткаркы алкактан оюнга Италия курамасы кошмок. Аталган кураманын коргоочусу Федерико Димарко топту коргоочу Алессандро Бастониге ыргыткан. Ал топ дарегине жетпей, ортодон топту Албаниянын жарым коргоочусу Недим Байрами ээлеп алып, дарбазага сокку узаткан. Бул гол оюндун биринчи таймынын 22-секундасында орун алып, Европа чемпионатынын тарыхындагы эң бат гол болуп калды.
Буга чейинки бат гол Россия курамасынын оюнчусу Дмитрий Кириченкого таандык. Ал 67 секундда Грециянын дарбазасына гол киргизген.