Бүгүн, 17-июнь күнү эрте менен Ош шаарынын Т. Касымбеков көчөсүнө ичеги-карындар төгүлгөнү боюнча окуянын күбөлөрү билдирди.
Алардын айтымында, аталган көчөнүн 100дөй метр жерине ичеги-карындар төгүлүп, автооунаа жолдо бойлой чачылып кеткен.
Ал эми Ош ШИИБи боюнча милициянын кайгуул кызматынын басма сөз катчысы маалыматты тастыктап, айдоочуга айып пул салынып, жол тазалангандыгын билдирди.
Ош шаарындагы мал союучу жайлардын биринен ичеги-карындарды жүктөгөн 1958-жылы туулган Ж.И. Т. «ЗИЛ» унаасы менен Касымбеков көчөсү аркылуу таштанды талаага бараткан учурда, аталган көчөгө ичеги-карындар төгүлгөн.
«Аталган унааны ээсин кайгуул кызматкерлери кармап, 750 сом айып пул салышкан. Ошондой эле, жолдогу ичеги-карындар тазаланып, жуулган»,- деп айтылат маалыматта.