Бүгүн, 18-июнь күнү кечинде Европа чемпионатынын тайпалык этабынын биринчи турунун акыркы эки оюну болуп өтөт.
Тактап айтканда, «F» тайпасындагы Португалия курамасы Чехия менен кез келсе, Түркиянын курамасы Грузия менен ойнойт.
Грузия менен Түркиянын курамасы Дортмунд шаарындагы «Синал Идуна Парк» стадионунда болсо, Лейпцигдеги «Ред Булл Аренада» Португалия менен Чехиянын курамалары беттешет.
1-тур:
22:00 Түркия-Грузия
01:00 Португали-Чехия
Футбол боюнча Европа чемпионаты 14-июнда башталган. Алгачкы беттеш Мюнхен шаарында өтүп, талаа ээси Германия Шотландияны ири эсепте (5:1) жеңген. Чемпионатка 24 өлкөнүн курама командалары катышууда. Алар алты тайпага бөлүнгөн:
- А: Германия, Шотландия, Венгрия, Швейцария
- В: Испания, Хорватия, Италия, Албания
- С: Словения, Дания, Сербия, Англия
- D: Польша, Нидерланддар, Австрия, Франция
- E: Бельгия, Словакия, Румыния, Украина
- F: Түркия, Грузия, Португалия, Чехия
8/1 финалдын беттештери 29-июндан 2-июлга чейин өтөт. Ал эми чейрек финал 5-6-июлда, жарым финалдык беттештер 9-10-июлга белгиленген. Финалдык оюн 14-июлда өтмөкчү.