Иллюстрациялык сүрөт
Кечээ, 17-июнь күнү саат 20:00 чамасында Ош облусунун кээ бир аймактарында катуу жааган жамгырдан сел түшүп, автоунаа жолдорун жабып калган. Бул тууралуу Президенттин Ош облусундагы ыйгарым укуктуу өкүлчүлүгүнүн басма сөз кызматы билдирди.
Маалыматка караганда, абалды жөнгө салуу жана кесепеттерин жоюу иштерин облус жетекчиси Эльчибек Джантаев көзөмөлгө алып, тийиштүү тармактар тарабынан аракеттер көрүлүүдө.
«Тактап айтсак Ак-Терек-Папан-Кожо-Келен автоунаа жолунун 41 км чакырымында (21-жол тейлөө ишканасынын карамагына караштуу) сел түшүп жолду тороп калган. Атайын техника жеринде иштеп, жол эки тараптуу ачылды»,- деп айтылат маалыматта.
Ынтымак айылдык аймагынын Жаңы-Арык-Кызыл-Суу авто унаа жолунун N 45 ЖТИ мекемесине таандык 21-чакырымында (Өзгөн районунун Беш-Абышка участкасы) ,28-чакырымында (Өзгөн районунун Кара-Таш участкасы) жеп кетип жол каттамы үзгүлтүккө учураган.
Жолду ачуу боюнча N 45 ЖТИ мекемесинен техникалар тартылып ачуу аректин жасоо иштери жүрүп жатат.
Жабыр тарткан жарандар жок.