18-июнь күнү Чоң-Алай районунун аймагында “Мерседес-Бенц Спринтер” үлгүсүндөгү автоунаа менен карама-каршы багытта келе жаткан “Деу-Нексия” үлгүсүндөгү автоунаа кагышкан. Натыйжада 3 адам каза болуп, жаракат алгандар ооруканага жеткирилген, деп жазат «Турмуш» басылмасы.
«Өздүк булактар маалымдагандай, “Деу-Нексия” автоунаасындагы каза болгон 3 жигит Ош шаарынын жашоочулары болгон. Алар Чоң-Алайдан бирөөнүн тажыясынан кайтып келе жатышкан. Каза болгондор: Ж.Э, К.А, Б.Т 2001-2002-жылы туулган жигиттер»,- деп айтылат маалыматта.
Ош облусттук жол кыймылынын коопсуздугун камсыздоо кызматы “Деу-Нексия” автоунаасында айдоочу жана эки жүргүнчү болгонун, үчөө тең каза болгондугун билдирди.