Бүгүн, 20-июнь күнү Жалал-Абад шаарынын «Курманбек» стадионунда Кыргызстандагы алгачкы VAR – калыстарга видео жардам системасынын тестти орун алды. Бул тууралуу Кыргыз футбол биримдиги билдирди.
Маалым болгондйо, аталган системанын тестирлөөсү «Барселона» футбол академиясынын жана «Мурас-Юнайтед» жаштар U-16 командалардын оюнунда орун алды.
«Тестирлөө Азия футбол конфедерациясынын VAR боюнча Өзбекстандык адиси Саидов Жахонгир, Кыргыз футбол биримдигинин Калыстар бөлүмүнүн өкүлдөрү Спартак Даниленко жана Скопинцев Артемдун жетекчилиги алдында өттү. Аталган адистердин айтымында тестирлөө ийгиликтүү болду»,- деп айтылат маалыматта.
Эскертек, расмий түрдө бул система Борбор Азиянын футбол ассоциациясынын U-20 жаштар чемпионатында колдонулат. Эл аралык турнир 5-13-июль күндөрү Жалал-Абаддын «Курманбек» стадионунда алты өлкөнүн курамалардын катышуусунда орун алат.