Төө-Моюн айыл өкмөтүндө дыйканчылыктын түшүмүн жыйноо алгачкылардан болуп башталат. Андыктан аталган аймакта быйылкы жылдын алгачкы оруп- жыйноо иштери кызуу башталды.
Кызыл данды кырманга толтуруу иштери күч алып, айыл өкмөт башысы С.Т.Думуров Район жетекчилигинин тапшырмасы менен оруп-жыйноо иштерин жеринен барып көрдү.
«Коромжусуз кызыл данды жыйноого эч кандай көйгөйлөр жаралбашы керектигин айткан аймак башчысы техникалардын абалы менен таанышты. Ошондой эле күйүүчү майдын жетиштүүлүгүн эске алып, жаралган маселелерге жакындан жардам берилээрин эскертти»,- деп айтылат маалыматта.
Белгилей кетсек, быйыл Төө-Моюн айыл өкмөтүндө 1140 гектар жерге буудай эгилип, гектарынан 3 тонна кызыл дан жыйналууда. Ал эми калк кызматында 7 комбайн эгин талаасында жумушка түшүрүлгөн. Кызыл кырман данга толуп, калкыбызда токчулук болсун деген изги тилек менен дыйкандар алгачкы түшүм жыйноону тыкыр колго алышууда.