«Балажан» республикалык эстетикалык тарбия берүү окуу- усулдук борбору тарабынан уюштурулган «Ысык-Көл-балдардын көзү менен» аттуу балдардын коомдук бирикмелеринин лидерлеринин эл аралык слетун өткөрөт. Ош облустук балдардын чыгармачылык борборунун массалык маалымат кызматы билдирди.
Маалым болгондой, бул иш- чара он жылдан бери эл аралык денгээлде Россия, Беларусь, Казакстан, Өзбекстан жана башка өлкөлөрдөн лидер окуучулардын катышуусунда салтка айланып өткөрөлүп келет.
«Күнөстүү Кыргызстандын жети дубанынан да катышуучулар 2024-жылдын 23 -29 июнунда Ысык-Көлдөгү «Барчын» балдардын ден соолугун чыңдоочу борборунда Ош облустук «Манас жаштары» уюмунун лидер окуучулары, окуунун мыктылары, көптөгөн облустук, республикалык сынактардын женүүчүлөрүнөн облус боюнча 85 окуучу катышуу үчүн жөнөп кетишти. Анда балдар финансылык сабаттуулук боюнча мастер класстарга, тренингдерге катышышат, кызыктуу эксперттер, бизнесмендер менен жолугушат, түркүн сынактарга: анын ичинде окуучулардын «СТАРТАП долбоорлор сынагына» катышышат жана сертификаттарга, дипломдорго, байгелүү баалуу белектерге ээ болушат. Башка өлкөлөрдүн балдары менен достошот, сүрөткө түшүшүп, пикир алышышып көптөгөн кызыктарга күбө болуп келишет», — деп айтылат билдирүүдө.
Ошондой эле «Ысык-Көл досторун чакырат» эл аралык этно — карнавалга Алай районунан 18 таланттуу окуучулар катышып келишет.
«Көчмөндөр оюндары балдар ааламында» аталышындагы республикалык балдардын чыгармачылык фестивалы Ысык-Көл облусунда 24-июнунан 30-июнуна чейин «Сейтек» балдардын жана өспүрүмдөрдүн улуттук борбору тарабынан өткөрүлүүчү фестивалына Ысык-Көл облусунун Бозтери айылындагы «Аэропорт-Манас» пансионатында Ош облусунан беш окуучу «Көчмөндөр оюндары балдар ааламында» аттуу фестивалдын алкагында улуттук оюндардын түрлөрү боюнча сынак-мелдештер, уюштуруучулар тарабынан көрсөтмө оюндар жана сүрөт тартуу кол өнөрчүлүк боюнча сынактарга катышышат»,- деп айтылат маалыматта.