22-июнь күнү болжол менен 19:00 чамасында Мырза-Аке — Кара-Шоро жолунун 47-50-чакырымында жолдун тескей тарабынан кыян түшүп, натыйжасында жол каттамы жабылган. Бул тууралуу ӨКМдин басма сөз кызматы кабарлады.
Маалыматка ылайык, учурда Өзгөн райондук Жарандык коргонуу башчысынын штабы түзүлүп, тазалоо иштери күчөтүлгөн тартипте жүрүүдө.
«Жерине атайын техника, ЖК кызматтарынан коомдук тартипти сактоо кызматы, медициналык кызмат, жол тейлөо кызматы, ӨКМдин Ош облусу боюнча башкармалыгынын башчысы подполковник Э. Мусаев иш алып барууда», — деп айтылат маалыматта.
23-июнь күнү сел кырсыгынан улам “Кара-Шоро» улуттук паркына эс алууга барып өтө албай калган 100 адам Жол тейлөө кызматы тарабынан коопсуз жайга эвакуациялынды.