Ош облусунун Ноокат районунун 4 аймагындагы селдин кесепеттерин жоюуга 61 техника, 667 кызматкер тартылды. Бул тууралуу ӨКМдин баса сөз кызмат кабарлады.
Маалым болгондой, 1-июль Ноокат районунун Көк-Жар, Гулистан, Кулатов, Исанов айыл аймактарында селдин кесепеттерин жоюу жана издөө иштерине ошондой эле жол тейлөө мекемесинин карамагындагы сел алып кеткен көпүрөнү калыбына келтирүүгө ӨКМден 174 куткаруучу, 14 техника (6 самосвал, 4 экскаватор, 3 тралл, 1 кран) тартылды.
«Жарандык коргонуу кызматтарынан 143 кызматкер, 23 техника жергиликтүү тургундардан 350 адам, айыл аймактан 24 техника тартылган»,- деп айтылат маалыматта.
Жалпы 667 адам 61 техника менен селдин кесепеттерин жоюу ишин жүргүзүүдө.