Ош-Раззаков-Баткен унаа жолунда каттам ачылды. Бул тууралуу «Ош жаңырыгына» ӨКМдин басма сөз кызматы кабарлады.
Маалым болгондой, Ош-Баткен-Раззаков унаа жолунун 63-чакырымындагы көпүрө жараксыз абалда болгондугуна байланыштуу кечээ түнү эле айланма жол аркылуу эки тараптуу каттам уюштурулган.
Кечээ, 30-июнь күнү Ноокат районунун Көк-Жар айыл аймагындагы көпүрөнү сел алып кеткен.
Маалыматка караганда, катуу жааган жамгырдан улам катуу сел келип, Ош-Раззаков-Баткен унаа жолунун 63-чакырымындагы Найман көпүрөсү бузулуп, Ош-Баткен жолундагы унаа каттамы эки тараптуу жабылган.
№37 Жол тейлөө ишканасынын маалыматына караганда, авариялык абалдагы эски көпүрөгө катуу сел келгендигине байланыштуу кулап калган. Кырсыктан эч ким жабыр тарткан эмес.