50 миң опузалап акча талап кылууга шектелип кармалган активист Гулпери Жанышбек кызы үй камаганы чыгарылды. Бул маалыматты Ош облустук сотунун басма сөз кызматы тастыктады.
Маалыматка караганда, Ош шаардык сотунун 1-июлундагы токтомунун негизинде Ош ОИИБдин тергөө кызматынын тергөөчүсүнүн өтүнүчү канааттандыруусуз калтырылган.
«Кылмыш жаза кодексинин 208-беренесинин (опузалап талап кылуу) 1-бөлүгү менен шектүү Ж. к. Г. карата бөгөт коюу чарасы катары 29-август айына чейин үй-камак түрү тандалган. Сот тарабынан Ж. к. Г. карата бөгөт коюу чарасын тандоодо шектүүгө коюлган айып КЖКнын 19-беренесине ылайык, анча оор эмес кылмыш болуп саналгандыгы, туруктуу жашаган жери эске алынган»,- деп айтылат маалыматта.
Буга чейин Ош облустук ичи киштер башкармалыгынын басма сөз кызматы ИИМдин Кылмыш иликтөө башкы башкармалыгынын кызматкерлери Ж. к. Г. аттуу аял опузалап 50 000 сом акча алып жаткан жеринен кармалганын маалымдаган.