1-июль күнү Ноокат-Ош жолунда унаа кырсыгы катталып, бир адам каза болгонун жергиликтүү тургундар билдирген. Ал эми жүргүнчүлөрдү Ноокат райондук ооруканасына алып кетишкенин айтышкан.
Окуяны Ош облусттук жол кыймылынын коопсуздугун камсыздоо кызматынан тастыктап, төмөнкүлөрдү билдирди.
1-июль күнү саат 16:00 чамасында, Ош-Раззаков авто жолунун 20-чакырымында, 2004-жылы туулган Гулистан айыл өкмөтүнүн Я.З аттуу тургуну өзүнүн «Дэу-Нексия» үлгүсүндөгү унаасы менен түштүктөн чыгышты көздөй башкарып бара жатып ролун башкара албай карама-каршы багытта келе жаткан Гулистан айыл аймагынын 1979-жылы туулган тургуну А. И нин башкаруусундагы «Хундай-Портер» автоунаасы менен кагылышуу жасаган.
«Натыйжада «Дэу Нексия» үлгүсүндөгү автоунаасынын жүргүнчүсү, аталган айыл өкмөттүн Бостон айылынын 2004-жылы туулган тургуну Т.П окуя болгон жерде каза болгон. Ал эми айдоочусу. 3.Я жүргүнчүлөрү: 2008-жылы туулган Т. А, 2003- жылы туулган А. М, 2005-жылкы Ж.И жана «Хундай-Портер» автоунаанын айдоочусу И.А, жүргүнчүсү 2008-жылы туулган М. М денелеринен алган жарааттарынан Ноокат аймактык ооруканасына кайрылышкан»,- деп айтылат маалыматта.
Ноокат аймактык ооруканасынан билдиришкендей, жалпы 6 адам ооруканага түшкөн. Анын үчөөсү жандандыруу бөлүмүндө, үчөө травматологияда жатышат. Жандандыруу бөлүмүндө жаткандардын биринин абалы өтө оор абалда деп бааланып, ал нес абалдан чыга элек.