Өзгөн районунун Дөң-Булак айылындагы Бакмал участкасындагы 14 сотых жер Кара-Кулжа районунун тургуну Бакытбек Жээнбековго таандык. Бирок, ал жерди атасы өлгөндөн кийин 4 жылдан кийин атасынын атына алган. Бул тууралуу Өзгөн районунун тургуну Акылай Темирбаев бүгүн, 2-июль күнү АКИпресс-Ошто өткөн маалымат жыйында билдирди.
- Бакытбек Жээнбеков экс-президент Сооронбай Жээнбековдун аталаш тууганы.
Анын айтымында, бүгүнкү күнгө чейин Бакытбек Жээнбеков аталган жерди мамлекеттин ээлигине кайтарбай жүрөт.
Акылай Темирбаева. Сүрөт: «Турмуш» басылмасы
«Мурда да ушул маселе боюнча бир нече ирет маалымат жыйын бергем. Сот иштери жүрүп, териштирүүлөр болгон. Кийин бул иш жабылып кетти. Президент менен УКМКнын төрагасына каттарды жазгам, «иш кайра каралсын» деген жооп келген. Ошол жерди мамлекеттин балансына кайтарыш керек»,- деди А. Темирбаева.
А. Темирбаеванын ишенимдүү өкүлү, юрист Афтандил Бекматов аталган жер тилкеси кандай негизде, кайсыл жылы Бакытбек Жээнбековдун атасынын атына өтүп кеткендигин айтты.
Афтандил Бекматов. Сүрөт: «Турмуш» басылмасы
«1996-жылдын 31-майында Өзгөн райондук администрация тарабынан Дөң-Булак кеңешинин Бакмал айылындагы, тактап айтканда Өзгөн-Мырза-Аке жолунун сол тарабындагы жерден Эрмамат Жээнбековго эки колонкалуу май куюуучу жайддын долбоору 6 сотых жерге жеке менчик укугу берилсин деген токтом кабыл алынган. Бул токтом да мыйзам бузуу менен кабыл алынган. Жер кодекси боюнча бирчинчи жерде сатарда, же аукционго коерду жердин ээси аныкталышы керек жана категориясы аныкталышы керек эле. Бул аны аныктабай туруп эле, түз эле токтом менен берип жиберишкен. Ошону акыткабай туруп эле 2002-жылы ошол кездеги айыл өкмөтү 14 сотых жерди Эрмамат Жээнбековго менчик укугу берилсин деген токтом чыгарып берип койгон. Ошол кезде айыл өкмөт сот органдарынын укугун колдонуп койгон. Менчик ээсин аныктоону сот гана аткара алат. Бул биринчиси. Экинчиси, Эрмамат Жээнбеков 1998-жылы каза болуп калган, 4 жыл өткөндөн кийин гана айыл өкмөт ал кишинин атына менчик укук өтсүн деген токтом чыгарып жатат. Үчүнчүсү Өзгөн администрация 6 сотых жерге май куюуучу жайдын долбоору боюнча укук берилсин десе, булар 14 сотыхка көбөйтүп коюп жатышат. Анан ушул токтомдун негизинде мамлекеттик акты берилген. Анан ушул ишти Акылай Темирбаев 2022-жылы козгоп, Өзгөн райондук прокуратурасына кат жазган. Прокуратура кылмы ишин каттап, Өзгөн РИИБге өткөргөн. Өзгөн РИИБ да кылмыш ишти каттап, бирок, ошол кезде токтом чыгарган айыл өкмөттү жоопко тартуу мөөнөтү өтүп кеткендигине байланыштуу кылмыш иш кыскартылган.
Кийин тиешелүү башкармалыктар бул иш боюнча Ош облустук администрациялык сотуна даттанышкан. Ош облустук администрациялык соту даттануу мөөнөтү өтүп кеткен деген чечим чыгарды. Бирок, 2024-жылдын мартында Конституциялык сот «10 жылдык даттануу мөөнөтү Конституцияга каршы келет» деген чечим чыгарып, ал беренени алып салгангандан кийин, 10 жылдык мөөнөт жоюлгандыгына байланыштуу кайрдана сотко кайрылышты. Азыр иш сотко өтүп, кийинки процесс 26-июлга коюлду»,- деди ал.
Буга чейин Бакытбек Жээнбеков «Турмуш» басылмасына берген маегинде атасына жер Өзгөн районунда көп жыл жашагандыгы үчүн берилгендигин билдирген.
«Атам Улуу Ата Мекендик согушка катышып, Өзгөн районунда көп кызматта иштегени үчүн ушул жер берилген. Жер атамдан мага мурас катары өткөн. Таштанды жерди өздөштүргөм. Учурда бул арыздануучулардын арызы прокуратурада каралып жатат. Маселени соттук орган териштирет. Ал жерди ижарага бирөөгө бергем, ал 1 млн 100 сом карыз. Ошол адам ар түрдүү жолдорду колдонуп жатат. Мен да аны сотко бергем»,- деген Б. Жээнбеков.