Абшыр-Сай шаркыратмасынын жогорку тарабында калып кеткен 200дөн ашык унаага жол ачылат. Бул тууралуу Президенттин Ош облусундагы өкүлчүлүгүнүн басма сөз кызматы билдирди.
Маалыматка караганда, Абшыр-Сай шаркыратмасынын жогорку тарабында сел алып кеткен жолду калыбына келтирүү иштери кызуу жүрүп жатат.
Президенттин Ош облусундагы ыйгарым укуктуу өкүлү Элчибек Жантаев аталган аймакка жол ачыларын айтты.
«Ош-Баткен жолун байланыштырган көпүрө убактылуу калыбына келтирилип, жаңы көпүрө салынууда. Ошол жактагы техника, жумушчу күчтөрдү бул жакка жөнөтүп, тоо башындагы 200дөн ашык унаага жол ачууга бардык күчтү жумшаңыздар. Оор техникалардын жардамы менен ушул жума бүтүрүү керек. Техника, акча каражат, ГСМ маселеси бары жетиштүү»,- деди Э. Жантаев.