Америка Кошмо Штаттарында өтүп жаткан Америка Кубогу оюнунун бардык чейрек финалчылары белгилүү болду. Мындай жыйынтык акыркы жуптук-Бразилия менен Колумбиянын оюнунан кийин орун алды.
Бразилия менен Колумбия кез келип, оюн 1:1 эсебинде жыйынтыкталды. Голдор: Диас Рафинья (Бразилия), Даниэль Муньос Мехия (Колумбия).
Бардык чейрек финалчылар:
Плей-офф сеткасы
Жарым финалга өтүү үчүн 5-июль күнү Аргентина менен Эквадор ойнойт. Оюн Бишкек убактысы боюнча саат 7:00дө башталат. 6-июль күнү Венесуэла менен Канада ойноп, алардын оюну таңкы саат 7:00дө башталат. Ал эми Уругвай менен Бразилия 7-июль күнү эрте менен 7:00дө ойноп баштаса, Колумбия менен Панаманын оюну 7-июль күнү саат 4:00дө башталат.
Америка кубогу буга чейин бир нече жылда бир өтүп келген. Акыркы жолу бул кубок 2020-жылы өтмөк, бирок, коронавирус пандемиясынан улам 2021-жылы болуп өттү. 48-Америка Кубогуна Түштүк Американын 10 командасы жана Түндүк Американын 6 командасы катышты. Тайпалык оюндар болуп, учурда 8 гана курама чейрек финалга өттү.
Бул кубоктун акыркы ээси Аргентина курамасы болуп саналат.