Кыяндан кийин Ноокат районунун Гүлистан айыл аймагындагы көпүрө бузулган. Учурда аталган жерге жаңы көпүрө куруу иштери башталды. Жаңы курулуп жаткаан көпүрөнүн узундугу 60 метрди түзөт.
Кыргызстандын түштүк аймагындагы №2 жол куруу башкармалыгынын башкы инженери Өмүрбек Орозматов буларды айтты.
«28-июнь күнү түштөн кийин саат 16:00 чамаларында сел болуп, дарактар агып, көпүрөнүн 90%ын суу агызып кетип, кайра калыбына келтирдик.
1-июль күнү саат 22:00дө айлампа жолду тазалап, унаалардын өтүүсүнө ачтык, азыр каттамдар жакшы, унаалар жакшы эле өтүп жатат.
Курулуш иштерин айтсам, ушул жылдын ноябрь айына көпүрөнү бүтүрүү пландалууда. Көпүрөнүн узундугу 60 метр , кеңдиги 14 метр болуп, астына 20 түркүк (тирөөч) коюлат. Азыр учурда тазалоо иштери жүрүп жатат. Тазалоо иши аяктаса, түркүк кое турган жерлерди казып, курулуш ишин баштайбыз. Бул көпүрө былтыры сентябрь айынын аягында башталган, демонтаж иштери 2 айга созулган. Анан жерди теший турган(буровая техника)техникабыз жоктугунан кармалып калган болчу. Азыр болсо баары келди, жерди теший турган эки тракторлор келген, бүгүнкү күндө иш кызуу жүрүп жатат», — деди Ө. Орозматов.