Иллюстрациялык сүрөт
Ош облусунун Кара-Суу районуна караштуу Манас айыл аймагында (мурдагы Нариман айыл аймагы) жайгашкан бала бакчанын тарбиячысы эки жаштагы баланы уктоочу бөлмөдө жалгыз калтырганы үчүн анын үстүнөн милицияга арыз түштү.
Аталган бала бакчадагы видео байкоодон алынган тасмага ылайык, жаш баланын узак убакыт боюнча жалгыз калып, ыйлап жатканын көрүүгө болот.
Бул тууралуу маалыматты Ош облустук ички иштер башкармалынын басма сөз кызматы тастыктады.
Маалыматка ылайык, 13-июнь күнү Кара-Суу райондук ички иштер бөлүмүнө Манас айыл аймагынын К.Б. аттуу тургуну арыз менен кайрылган.
«Анда 2022-жылы туулган К.А. аттуу баласын бала бакчада тарбиячысы уктоочу бөлмөгө жалгыз калтырып койгондугун билдирген. Аталган факты боюнча каттоого алынып, тергөөгө чейинки текшерүү иштери башталган»,- деп айтылат маалыматта.
Текшерүүнүн жүрүшүндө бүгүнкү күндө 2022-жылы туулган К.А.га карата соттук-медициналык жана соттук психоло-психатриялык экспертиза дайындалган.